Hægt er að fara í lengri og skemmri gönguferðir í nágrenninu. Leiðsögn er möguleg ef pantað er fyrirfram.

Hægt er að komast í snjósleðaferðir á Mýrdalsjökli, 10 km. frá bænum.

Náttúruperlan Dyrhólaey er skammt undan og þar er hægt að fara í bátsferðir .

Byggðasafnið í Skógum er u.þ.b. 10 km. vestan við Sólheimhjáleigu. Einstakt safn sem enginn ætti að láta framhjá sér fara. Í Skógum er einnig rekin hestaleiga yfir sumarið.

Næsti þéttbýliskjarni er Vík í Mýrdal og er hún í  25 km fjarlægð. Það er afar vinalegt þorp sem skartar Reynisdröngum og svartri sandfjöru sem þykir með þeim fallegri sem fyrirfinnast. Í Vík er rekin upplýsingamiðstöð fyrir ferðafólk yfir sumartímann og þá er einnig ýmsar upplýsingar um sveitarfélagið að finna heimasíðu þess.

til baka